/65/ Ob id Britannia et Iudaea, quod sint pervicaces et
truces atque seditiosi, Britanni Arieti tribuuntur;
Iudaei vero quod impij, quod insidiosi et audaces,
similiter sub eodem signo sunt atque planeta. Sic
utraque harum regionum saepius et contumacius,
ut nulla alia, Romanis rebellavit ac saepius ad internecionem
concitata. Et utraque similiter novos ritus
Legis et divini cultus sibi invenit, aliquando
quidem in melius, et persaepe in deterius». Si sub
eodem Arietis signo utraque provinciarum
constituta est, cur cometes in Britannia, non
vero in Iudaea, futurum schisma antenunciavit?
deinde, cur Vatiniano quasi odio Angli
Iudaeos prosequuntur, ita ut in Principes Italos,
qui illis domicilia stationesque concedunt,
quotidie, licet immerito, debacchentur?
contra vero cur Iudaeis Angli invisissimi infensissimique
sunt? Fuit quidam temporibus
meis Iudaeus in Anglia, ut Christi fidem
susciperet, et ab Oxoniensi Academia perhumaniter
fuit exceptus. Cum vero ad sacrum
lavacrum deducendus esset, aufugit,
captus est. Rex ex benignitate dimisit, offendi
eum aliquo tempore post Lutetiae Parisiorum
in Aula Regia, ubi, in sermone mutuo
quem duximus, Anglorum avaritiam mirum
in modum sugillabat, ut tum prae caeteris nationibus
vel maxime dediti sint uni liberalitati,